2023/5/15 | ISEI BARBERO / Argazkiak: Ricardo Santa Cristina
Larunbatean, Musakola auzoko San Isidro jaien baitan eta Herensugeek antolatuta, Arrasate Errugbi Taldeko kideek topaketa egin zuten. Mojategin klubeko talde ezberdinetako jokalariak batu ziren, eta goiz ederra pasa zuten gehien gustatzen zaien kirola praktikatzen. Goiz osoan zehar giroa paregabea izan zen eta, ondoren, auzoko jaietan barrena murgiltzeko parada izan zuten guztiek.
Herritarrek parte-hartze zuzena izango dute sarien aukeraketan, euren esku egongo baitira Herritarren saria eta Talde onenaren saria, azken honen baitan Geurea RT izango dela. Ekainaren 15a bitartean edukiko dute arrasatearrek botua emateko aukera, Udaleko webgunean.
Aurreko asteburuan Euskal Ligako senior nesken txapelketa irabazi ostean, Arrasateko errugbiko neskek merezitako ospakizuna egin dute gaur. ARTk bere txapeldunak omendu ditu, denboraldi bikainari amaiera ezin hobea emanez.
Arrasate Errugbi Taldeko neskek liga izango dute jokoan Gaztediren kontrako partiduan. Hitzordua larunbat arratsaldean izango da, 15:30ean hasita, Zarautzeko Asti errugbi zelaian. Bertara joateko, zaleez betetako autobusa irtengo da Arrasatetik.
0 comentarios