2023/4/2 | ISEI BARBERO / Argazkiak: Ramon Barrutia
Seniorrek Bilbon jokatutako partiduaz gain, Arrasate Errugbi Taldeak beste bi hitzordu izan zituen zapatuan, biak Mojategin. Goizeko 10:00etan 16 urtez azpikoek Eibarri egin zioten aurre, 27-24 nagusituz. Jarraian, 18 urtez azpikoek denboraldiko azken partidua jokatu zuten Uribealdearen kontra eta, gutxieneko aldeagatik izan bazen ere, 22-21 nagusituz agurtu zuten ikasturtea zaleen aurrean.
Jokatutako 12 partiduetatik bost irabazita, hirugarren postuan amaitu dute denboraldia Arrasate Errugbi Taldeko 18 urtez azpikoek 28 punturekin. Multzoko liderra Zarautz izan da 51ekin; azken sailkatua, aldiz, Iruñea, bederatzi puntu poltsikoratu dituena.
0 comentarios